Aktual mövzular: Dollar alış-satışı , Hava, Məzənnə, Neftin qiyməti

ABŞ yanvardan neft ixracını bərpa edəcək

ABŞ yanvardan neft ixracını bərpa edəcək

ABŞ neft ixracını 23 illik maksimuma çatdırıb (16 Fevral 2017 10:37)
Azərbaycan Belarusa konyak ixracını bərpa edəcək (14 Fevral 2017 13:52)

Tarix: 24 Dekabr 2015 09:12

Neft ixracına qoyulmuş 40 illik qadağanın ləğvindən sonra  "Enterprise Products Partners" şirkəti 2016-cı ilin yanvarında ABŞ neftini dünya bazarına çıxaracaq.

APA-nın "The Wall Street Journal" qəzetinə istinadən verdiyi xəbərə görə, yeni ilin ilk həftəsində Xyuston terminalından 600 min barel neft yüklənəcək.

ABŞ neftinin ilk partiyasını Niderlandın "Vitol Group" şirkəti əldə edəcək. Neft əvvəl İsveçrədə yerləşən, Şimali Avropanı dizel və digər növ yanacaqlarla təchiz edən neft emalı zavoduna çatdırılacaq. Bildirilir ki, yeni tədarük ediləcək ABŞ nefti Səudiyyə Ərəbistanı, Rusiya və İran nefti ilə rəqabət aparmağa qadirdir.  

Xatırladaq ki, ABŞ prezidenti Barak Obama Konqresin 2016-cı il üçün təsdiqlədiyi federal büdcəni imzalayıb. Büdcəyə əsasən, xam neft ixracına olan 40 illik qadağa ləğv olunub.

ABŞ-dan xam neftin xaricə tədarükünə qadağa 1975-ci ildə qoyulmuşdu. Bu hüquqi-normativ akt Yaxın Şərqdə münaqişə nəticəsində yaranmış enerji böhranı dövründə, ərəb ölkələri tərəfindən 1973-cü ildə Qərb ölkələrindən neftin tədarükünə qoyulan embarqodan sonra tətbiq edilmişdi.

Milli.Az


Teqlər:  ABŞ yanvardan neft ixracını bərpa edəcək



RƏYLƏR


Top xəbərlər