Aktual mövzular: Dollar alış-satışı , Hava haqqında, Məzənnə, Neftin qiyməti

Leyla Əliyeva: "Mən səni çox-çox sevirəm!" (VİDEO, FOTO)

Leyla Əliyeva: "Mən səni çox-çox sevirəm!" (VİDEO, FOTO)

Date: 24 December 2015 10:31

Heydər Əliyev Fondunun vitse-prezidenti Leyla Əliyeva atası, prezident İlham Əliyevi ad günü münasibəti ilə təbrik edib.

ANS PRESS-in məlumatına görə, Leyla Əliyeva təbrikini "İnstaqram" səhifəsində yazıb:

"Əziz Ata! Öz adımdan demək istəyirəm ki, çox xoşbəxtəm ki, mənim belə atam var. Yəqin, hər bir insan özünə görə yaxşıdır, hər kəsin yaxşı keyfiyyətləri, nailiyyətləri, xidmətləri var. Lakin ən layiqli, yaxşı və alicənab keyfiyyətlər səndə toplanıb. Sənin ailənə qarşı sonsuz sevgin və qayğın bizə özümüzü daim daş divar arxasında, daim müdafiə olunmuş, sabahkı günə əminlik hissi ilə baxmağa imkan verir.

Sənin gördüyün işlər sayəsində gündən-günə çiçəklənən Azərbaycana hədsiz sadiqliyin çoxlarını heyran qoyur. Və bu gün dünyanın ən müxtəlif guşələrində yaşayan insanlar Bakının dünyada ən gözəl şəhər olduğunu etiraf edirlər. Sənin ədalətini həm yaxınların, həm də kənar insanlar öz üzərində hiss edir. Heç zaman yanlış hərəkət etməyə imkan verməyəcək alicənablığın hər kəsi heyran qoyur. Və əlbəttə, sənin ölkəni irəli apardığın cəsarət, qorxmazlıq, qətiyyət və gücünə dünyanın istənilən siyasətçisi həsəd apara bilərdi! Mən səni çox-çox sevirəm! Ad günün mübarək!".


Leyla Əliyevanın "İnstaqram" səhifəsi


L. Əliyeva 3 iyul 1985-ci ildə Moskva şəhərində anadan olmuşdur. 2007-ci ildən Heydər Əliyev Fondunun Rusiya nümayəndəliyinin rəhbəridir. 2007-ci ildən Baku jurnalının təsisçisi və baş redaktorudur. 2011-ci ildən Heydər Əliyev Fondunun vitse-prezidenti, Rusiya Azərbaycanlı Gənclər Təşkilatının (AMOR) sədridir.

Bu gün Azərbaycan Prezidenti İlham Əliyevin doğum günüdür. Ali Baş Komandan 1961-ci il dekabrın 24-də-də Bakı şəhərində anadan olub. 1967-1977-ci illərdə Bakıda orta məktəbdə oxuyub.1977-ci ildə Moskva Dövlət Beynəlxalq Əlaqələr İnstitutuna (MDBƏİ) daxil olub. MDBƏİ-ni bitirdikdən sonra institutun aspiranturasına qəbul edilib, 1985-ci ildə dissertasiya müdafiə edərək tarix elmləri namizədi dərəcəsi alıb.

2003-cü ildən Azərbaycan Republikasının Prezidentidir.

İ.Əliyevin üç övladı, üç nəvəsi var. Onlardan ikisi - Əli və Mikayıl böyük qızı Leyla Əliyevanın övladlarıdır.


Tags:  Leyla Əliyeva Mən səni çox-çox sevirəm VİDEO FOTO


RƏYLƏR


Top news