Aktual mövzular: Dollar alış-satışı , Hava haqqında, Məzənnə, Neftin qiyməti

QMİ-də Məhəmməd peyğəmbərin Mövludu günü ilə bağlı tədbir keçirilib

QMİ-də Məhəmməd peyğəmbərin Mövludu günü ilə bağlı tədbir keçirilib

Date: 24 December 2015 11:23

Bakı. Elmir Murad - Trend:

Bu gün Qafqaz Müsəlmanları İdarəsində (QMİ) Məhəmməd peyğəmbərin (ə.s) Mövludu günü ilə bağlı tədbir keçirilib.

Trend xəbər verir ki, tədbirdə çıxış edən QMİ sədri, Şeyxülislam Hacı Allahşükür Paşazadə Məhəmməd peyğəmbərin (ə.s) Mövludu gününün əhəmiyyətindən danışaraq, hər kəsi bu münasibətlə təbrik edib.

SSRİ dövründə Məhəmməd peyğəmbərin mövludu gününü keçirməyin çox çətin olduğunu söyləyən A.Paşazadə qeyd edib ki, buna baxmayaraq gizlin olsa da, Mövlud günü həmişə qeyd olunub.

O, ulu öndər Heydər Əliyevin daima onlara qayğı göstərdiyini vurğulayıb: "İstər SSRİ dövründə, istərsə də digər dövrlərdə dinimizi unutmamışıq, bu günü qeyd etmişik. Heydər Əliyevin "Təzə Pir" məsçidinə gəldiyi gün yadımdadır. O, həmişə bizə qayğı və diqqqəti ilə seçilərdi. Çox maraqlıdır ki, bu gün də Mövlud günü Prezident İlham Əliyevin doğum gününə təsadüf edir. Bu münasibətlə Prezident İlham Əliyevə və onun ailəsinə can sağlığı və xoşbəxtlik arzulayıram".

Bizi Twitter-dən izləyin: @trend_az


Tags:  QMİ-də Məhəmməd peyğəmbərin Mövludu günü bağlı tədbir keçirilib

RƏYLƏR


Top news