Zirzəmidə "fəvvarə" peyda oldu

Zirzəmidə "fəvvarə" peyda oldu
12:17 24 Dekabr 2015
20 Digər
Ölkə mətbuatı
A- A+

Xətai rayonu Babək prospekti 74 ünvanındakı binanın sakinləri Milli.Az-a müraciət edərək bildiriblər ki, binanın altındakı boru partlayıb və zirzəmi tamamilə su ilə dolub: "Su böyük təzyiqlə axır. Elə bil fəvvarədir. Binanın altı olub hovuz. Əgər qarşısı alınmasa, su daşıb məhəlləyə axacaq".

Məsələ ilə bağlı əraziyə baxan Xətai rayonu 29 saylı mənzil-istismar sahəsinə müraciət etdik. MİS-dən bildirdilər ki, adıgedən ünvanda heç bir hadisə baş verməyib. Hər halda onlara belə müraciət daxil olmayıb: "Hətta su borusu partlayıbsa da, o məsələlərə biz yox, su idarəsi baxır".

Yaranmış vəziyyətlə bağlı "Azərsu" ASC-yə də müraciət etdik. Qurumun şöbə müdiri Anar Cəbrayıllı Milli.Az-a bildirdi ki, müraciətdən dərhal sonra əraziyə baxan su idarəsinə məlumat verilib: "Qəzanın nəticələrinin qarşısının alınması üçün ora Qəza Xidmətinin briqadası göndəriləcək və problem gün ərzində həll olunacaq".

İlkin İzzət
Milli.Az


Xəbərin orijinal ünvanı: http://news.milli.az/country/392738.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR