Aktual mövzular: Dollar alış-satışı , Hava haqqında, Məzənnə, Neftin qiyməti

Gələn il üçün də 7-8 min hektar torpağın yaxşılaşdırılıb istifadəyə verilməsi gözlənilir

Gələn il üçün də 7-8 min hektar torpağın yaxşılaşdırılıb istifadəyə verilməsi gözlənilir

Date: 24 December 2015 12:52

Bakı. 24 dekabr. REPORT.AZ/ Növbəti il üçün yarımçıq qalmış layihələrin davam etdirilməsi nəzərədə tutulur. "Report"un verdiyi xəbərə görə, bu barədə Meliorasiya və Su Təsərrüfatı ASC-nin sədri Əhməd Əhmədzadə bildirib. 
O qeyd edib ki, çox nəhəng layihə olan Samur-Abşeron kompleksinin bir hissəsi artıq təhvil verilib, növbəti ildə onun tamamlanması üçün işlər davam etdiriləcək: "Bu layihə çərçivəsində nəhəng su anbarı tikib istifadəyə verdik. Həmçinin bir neçə kanallar da çəkdik. Gələn il isə daha münbit torpaqların istifadəyə verilməsi üçün işlər davam etdiriləcək. Su mənbəyindən yeni suvarılan torpaqların istifadəyə verilməsi və suvarılan torpaqların su təchizatının yaxşılaşdırılması layihəsinə başlanılıb və gələn il də davam etdiriləcək. Biz ilin sonuna qədər Siyəzən və Xızı rayonlarında 8 min hektar münbit torpaq təhvil verəcəyik. Gələn il üçün də 7-8 min hektar torpağın yaxşılaşdırılıb istifadəyə verilməsi gözlənilir. Bu layihələr üçün Dövlət Neft Fonbdundan vəsait ayrılıb. Növbəti il üçün Dövlət Neft Fondundan bu layihələrinin icrasına 90 mln. manat ayrılması planlaşdırılır".
O, beynəlxalq maliyyə qurumlarından Dünya Banklı ilə işlədiklərini deyib. Ə.Əhmədzadə qeyd edib ki, Dünya Bankı kimi bir sıra maliyyə qurumları da cəmiyyətlə işləməkdə maraqlıdırlar.
Bu il biz 300 artezian quyusunun təhvil verildiyini deyən Ə.Əhməzadə növbəti ildə də 150-dən çox artezian quyusunun qazılıb təhvil verilməsini nəzərdə tutduqlarını bildirib.

Tags:  Gələn il 7-8 min hektar torpağın yaxşılaşdırılıb istifadəyə verilməsi gözlənilir

RƏYLƏR


Top news