2015-ci ilin əvvəllərində peykdən əldə etdiyimiz şəkillərdən əmin olduq ki, Azərbaycanda sürətli qazlaşma hesabına son 10 ildə meşələrin qırılmasının qarşısı alınıb.
Trend-in məlumatına görə, bunu jurnalistlərə açıqlamasında ekologiya və təbii sərvətlər naziri Hüseyn Bağırov deyib. Nazir bildirib ki, 10 ildə 100 min hektardan çox yeni meşələr salınıb, qısa zamanda meşə örtüyü əraziləri 12 faizə çatacaq.
H.Bağırov qeyd edib ki, qazlaşdırma aparılmasa, nazirliyin meşələrin məhv edilməsinə qarşı mübarizəsi bu qədər uğurlu olmazdı: "Qazlaşma aparılan tədbirlərin effektli olmasına kömək etdi".
Milli.Az
