Bakı, 24 dekabr, AZƏRTAC
İspaniyanın Roquetas de Mar şəhərində Seneqaldan gəlmiş qaçqın Milad bayramı ilə əlaqədar oynanılan ənənəvi “El Gordo” (Kök adam) lotereyasında 400 min avro (436 min ABŞ dolları) udub.
AZƏRTAC bbc.com saytına istinadla xəbər verir ki, bəxti gətirən 35 yaşlı Ngagne adlı şəxs İspaniyaya 2007-ci ildə Mərakeşdən gəlib. Dediyinə görə, uduşa qədər cibində 5 ABŞ dolları belə yox imiş.
“El Gordo” milad bayramı ərəfəsində keçirilən ən bahalı lotereya sayılır. Bu lotereya 1812-ci ildən oynanılır və bir biletin standart qiyməti 20 avrodur.