Aktual mövzular: Dollar alış-satışı , Hava haqqında, Məzənnə, Neftin qiyməti

Vergilər Nazirliyi idarə rəisinin işdən çıxarıldığını təsdiqləyib

Vergilər Nazirliyi idarə rəisinin işdən çıxarıldığını təsdiqləyib

Date: 24 December 2015 18:49

 

Fəxrəddin Əliyevin 14 saylı Ərazi Vergilər İdarəsinin rəisi vəzifəsindən azad olunması rəsmən təsdiqlənib.

 

Bu barədə "APA-Economics"ə Vergilər Nazirliyinin Analitik İnformasiya Mərkəzindən məlumat verilib.

 

Nazirlikdən bildirilib ki, 14 saylı Ərazi Vergilər İdarəsinin rəisi vəzifəsinin müvəqqəti icrası Pərvin Əhmədova həvalə edilib.

 

Qeyd edək ki, dekabrın 21-də saat 23.00 radələrində Qaradağ rayonunun Lökbatan qəsəbəsində yerləşən “Zeytə” restoranında Bakı şəhər sakini Məhərrəm Əliyev və Samir adlı şəxs qəsəbə sakinləri Ədalət Həsənov, oğlu Orxan, Mehrab Əliyev, Cəmil Həmidov, Nazim Kərimov və Rafiq Kərimovla mübahisə etdikdən sonra M.Əliyev “Vinçestr” markalı tüfəngdən atəş açaraq onlara müxtəlif dərəcəli bədən xəsarəti yetirib hadisə yerini tərk ediblər.

 

Bakı şəhər Prokurorluğundan APA-ya verilən məlumata görə, faktla bağlı Qaradağ rayon prokurorluğunda Cinayət Məcəlləsinin 29, 120.2.7-ci (iki və ya daha çox şəxsi qəsdən öldürməyə cəhd) və 221.1 (xuliqanlıq) maddələri ilə cinayət işi başlanıb.

 

Həyata keçirilən tədbirlər nəticəsində hadisəni törədənlər tutulub.

 

Məhərrəm Əliyev Vergilər Nazirliyinin 14 saylı Ərazi Vergilər İdarəsinin rəisi olmuş Fəxrəddin Əliyevin oğludur.


Tags:  Vergilər Nazirliyi idarə rəisinin işdən çıxarıldığını təsdiqləyib

RƏYLƏR


Top news