Bakı, 24 dekabr, AZƏRTAC
Bakının 189-190 nömrəli tam orta məktəbində Xalq Şairi, görkəmli dramaturq, ictimai xadim Bəxtiyar Vahabzadənin yaradıcılığına həsr olunmuş tədbir keçirilib.
AZƏRTAC xəbər verir ki, tədbirdə məktəbin direktoru Ceyran Quliyeva böyük sənətkar Bəxtiyar Vahabzadənin mənalı həyat yolundan, yaradıcılığı, elmi, pedaqoji, ictimai fəaliyyətindən danışıb.
Azərbaycan ədəbiyyatında görkəmli şair B.Vahabzadənin özünəməxsus yeri və rolu olduğunu vurğulayan direktor, onun əsərlərinin əhəmiyyətini diqqətə çatdırıb.
Sonra şagirdlər Bəxtiyar Vahabzadənin şeirlərini və sözlərinə yazılmış mahnıları ifa ediblər.