Meksikada 80 avtomobilin toqquşması ilə nəticələnən iri yol qəzası baş verib. APA-nın “RİA Novosti”yə istinadən verdiyi xəbərə görə, qəza Mexiko şəhərinin dairəvi yolunda baş verib. Qəzaya səbəb güclü duman olub. Qəzaya düşən nəqliyyat vasitələri arasında azı 5 yük maşını və 2 sərnişin avtobusu var.
Hadisə yerinə 100-dək xilasedici cəlb edilib, nəqliyyat vasitələrin hərəkəti məhdudlaşdırılıb.
