Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Zakir Nəsirovun əfv edilməsi üçün prezidenti müraciət edildi

Zakir Nəsirovun əfv edilməsi üçün prezidenti müraciət edildi

Date: 25 December 2015 11:54

 

2005-ci ildə Milli Təhlükəsizlik Nazirliyinin keçirdiyi "Qara kəmər" əməliyyatı nəticəsində həbs edilərək ömürlük azadlıqdan məhrum edilən, Daxili İşlər Nazirliyinin Baş Cinayət Axtarış İdarəsinin sabiq rəisi, general-mayor Zakir Nəsirovun ailəsi generalın əfv edilməsi üçün Prezidentə müraciət edib.

 

Lent.az-ın Trend-ə istinadən məlumatına görə, bu barədə Z.Nəsirovun vəkili Adil İsmayılov məlumat verib.

 

Müraciətdə Z.Nəsirovun heç bir günahı olmadan həbs edildiyi bildirilib və buna görə də Prezidentdən generalın əfv edilməsi xahiş olunub.

 

A.İsmayılov bildirib ki, cinayət işinin yenilənməsi və Z.Nəsirovun işinə yenidən baxılması üçün hələlik generalın ailə üzvləri ona müraciət etməyiblər.

 

Xatırladaq ki, bu ilin oktyabr ayında sabiq milli təhlükəsizlik naziri Eldar Mahmudov vəzifəsindən azad ediləndən sonra ölkədə adam oğurluğu və çoxsaylı qətllər törədən mütəşəkkil cinayətkar dəstənin başçısı, Daxili İşlər Nazirliyinin Baş Cinayət Axtarış İdarəsinin sabiq baş əməliyyat müvəkkili, 2005-ci ildən indiyədək Milli Təhlükəsizlik Nazirliyinin (hazırda Dövlət Təhlükəsizliyi Xidmətinin) İstintaq təcridxanasında saxlanılan Hacı Məmmədov yenidən vəkil tələb edərək cinayət işinin yenilənməsini və ömürlük həbs edilən Z.Nəsirovun azadlığa buraxılmasını istəyib.


Tags:  Zakir Nəsirovun əfv edilməsi prezidenti müraciət edildi

RƏYLƏR


Top news