"Liverpul"un baş məşqçisi Yürgen Klopp ingilis futbolundakı təqvim haqqında fikirlərini bölüşüb.
Almaniyalı mütəxəssis futbolçuların fasiləsiz oyunlar keçirməsinin sonda İngiltərə millisinə baha başa gələcəyini bildirib:
"Birmənalı olaraq burada qısa müddətdə çox oyun keçirilir. Bir neçə turnir olmasına baxmayaraq, çempionatda fasilə yoxdu. Yəqin hamı razılaşar ki, belə təqvimlə uğur qazanmaq çətindi.
İngiltərədə hamı Hodsonun yığmanı Avro-2016-da çempion edəcəyinə ümid edir. Komandada doğrudan da yaxşı futbolçular var. Ancaq başqa yığmaların oyunçuları istirahət edərkən, onlar bütün il boyu oynayırlar.
İngiltərə millisinin bu şəraitdə uğur qazanması çətindi".
