Aktual mövzular: Dollar alış-satışı , Hava, Məzənnə, Neftin qiyməti

Azad Rəhimov: "Dopinq məsələsinə görə 4 lisenziyanı itirməmişik"

Azad Rəhimov: "Dopinq məsələsinə görə 4 lisenziyanı itirməmişik"

“Barselona”ya sürpriz yoxlama - DOPİNQ (04 Mart 2017 09:37)
“Barselona”ya sürpriz yoxlama - DOPİNQ (04 Mart 2017 07:53)
Dopinq-testlərə 2 milyon funt-sterlinq xərclənəcək (11 Fevral 2017 14:05)

Tarix: 25 Dekabr 2015 12:42

Bakı. 25 dekabr. REPORT.AZ/"2016-cı il Rio-de-Janeyro Yay Olimpiya Oyunlarına ağırlıqqaldırma üzrə 4 lisenziya idmançlara yox, komandaya verilib. Dopinq məsələsinə görə biz lisenziyaları itirməmişik". "Report"un məlumatına görə, bunu gənclər və idman naziri Azad Rəhimov ilin yekunları ilə bağlı keçirdiyi mətbuat konfransında deyib. 
Nazir bildirib ki, hazırda Azərbaycanın 6 ağırlıqqaldıranının dopinq-testdən keçə bilməməsi ilə bağlı araşdırma aparılır: "Biz həmişə qeyd etmişik ki, nazirlik dopinqə qarşı yoxlamalar aparır. İlk dəfə bizdə Antidopinq Komitəsi yaradılıb. İstər "Bakı 2015" I Avropa Oyunları, istərsə də digər yarışlarda idmançılar testdən keçirilir. Biz də tələb edirik ki, gəlib bizdə testdən keçsinlər".
Dopinq-testdən keçə bilməyən idmançıların cəzalandırılmasına gəlincə, A.Rəhimov bildirib ki, buna Azərbaycan Ağır Atletika Federasiyası cavabdehdir: "Fakt təsdiqini tapsa, inanıram ki, burada günahkar kimdirsə - həkim, məşqçi və ya digəri cəzalanacaq".
Qeyd edək ki, ABŞ-ın Hyuston şəhərində keçirilmiş dünya çempionatında Azərbaycanın 6 ağırlıqqaldıranı - Silviya Angelova (48 kq), Valentin Xristov (62 kq), Firudin Quliyev (69 kq), Elxan Əliquluzadə (77 kq), İntiqam Zairov (94 kq) və Dadaş Dadaşbəylinin (105 kq) orqanizmindən istifadəsi qadağan olumnmuş dərman preparatı tapılıb. 

Teqlər:  Azad Rəhimov Dopinq məsələsinə lisenziyanı itirməmişik



RƏYLƏR


Top xəbərlər