Aktual mövzular: Dollar alış-satışı , Hava haqqında, Məzənnə, Neftin qiyməti

Maliyyə Nazirliyi: Dövlət büdcəsinə düzəlişlər edilə bilər

Maliyyə Nazirliyi: Dövlət büdcəsinə düzəlişlər edilə bilər

Date: 25 December 2015 12:59

 Manatın məzənnəsinin enməsi bilavasitə 2015-ci ilin dövlət büdcəsinin icrasına təsir göstərmir.

 

Bu barədə “APA-Economics”in sorğusuna cavab olaraq Maliyyə Nazirliyindən bildirilib.

 

Maliyyə Nazirliyi dekabrın 21-də milli valyutanın xarici valyutalara nisbətdə 48%-lik devalvasiyasının gələn ilin büdcəsinə təsiri məsələsinə də münasibət bildirib.

 

“2016-cı ilin dövlət büdcəsinin tərtibi zamanı büdcə gəlirlərinin, habelə xarici valyutada ifadə edilmiş büdcə xərclərinin hesablanması zamanı manatın fərqli mübadilə məzənnəsinin istifadəsi ilə əlaqədar gələn ilin dövlət büdcəsinə müvafiq düzəlişlərin edilməsi məsələsinə hal-hazırda baxılır”, - deyə məlumatda vurğulanıb.

 

Maliyyə Nazirliyindən o da bildirilib ki, bu zaman neftin qiymətinin dövlət büdcəsinin gəlirlərinin hesablanması üçün götürülmüş qiymətindən daha aşağı səviyyəyə enməsi amili də nəzərdən keçiriləcək.

 

Bildirilib ki, 2016-cı ilin dövlət büdcəsinə dəyişikliklərin aprel-may aylarında reallaşdırılması ehtimal edilir.


Tags:  Maliyyə Nazirliyi Dövlət büdcəsinə düzəlişlər edilə bilər

RƏYLƏR


Top news