Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Bayram günlərində də TV və radio verilişlərinin monitorinqi aparılacaq

Bayram günlərində də TV və radio verilişlərinin monitorinqi aparılacaq

Date: 25 December 2015 13:53

Bakı. Elmir Murad - Trend:

Bayram günlərində televiziyalarda efirin qeyri-ciddi verilişlərlə həddindən artıq yüklənməsi narahatlığa səbəb olur. Bunu Trend-ə açıqlamasında Milli Televiziya və Radio Şurasının (MTRŞ) Monitorinq şöbəsinin müdiri Təvəkkül Dadaşov deyib.

Onun sözlərinə görə, bayram günlərində şou xarakterli proqramların çox olması anlaşılandır: "Lakin efir eyni tipli verilişlərlə də çox yüklənməməlidir".

Qurum rəsmisi qeyd edib ki, buna baxmayaraq Milli Televiziya və Radio Şurası yaradıcılıq məsələsində yayımçıların işinə qarışmır: “Bayram günlərində insanlar istirahət etmək istəyir və yayımçılar da bunu başa düşür. Adətən, telekanallar bayram günləri əyləncəli verilişlər, milli-mənəvi dəyərlərə söykənən proqramlar və mədəni-maarif xarakterli verilişlərə də çox yer verirlər. Milli filmlərimiz də çox nümayiş olunur. Bu, yaradıcılıq işidir. Biz onların işinə qarışmırıq. Sadəcə onların yaradıcılıq işində konkret olaraq qanunvericiliyin tələblərinə riayət edib-etmədiklərini izləyəcəyik”.

Yeni il bayramında 5 gün qeyri-iş günü olsa da, bütün efirin video və audio yazı ilə qeydə alınacağını vurğulayan T. Dadaşov hətta ehtiyac yarandığı təqdirdə MTRŞ-nin əməkdaşlarının işə çıxacağını istisna etmir: “İstirahətdən qayıtdıqdan sonra qeydə alınan video və audio yazılar çox ciddi şəkildə incələnəcək. Qanunvericiliyin hansı halları pozulubsa, onunla bağlı arayış tərtib edib Şuranın iclasına təqdim edəcəyik. Zərurət yaranarsa bayram günləri də işə çıxacağıq. İşimizi görüb, monitorinqlərimizi aparacağıq”.

Bizi Twitter-dən izləyin: @trend_az


Tags:  Bayram günlərində TV radio verilişlərinin monitorinqi aparılacaq


RƏYLƏR


Top news