“Azərbaycandakı bahalaşmanı güllə-çiçəklə qarşıladım”.
Axşam.az Aznews.az-a istinadən xəbər verir ki, bunu açıqlamasında Aşıq Əhliman deyib. Aşıq bahalaşmanın cəmiyyətə təsirlərindən danışıb:
“Bahalaşma əlbəttə ki, cəmiyyətə mənfi təsir göstərib. Bahalaşmadan kimin xoşu gələr ki? İnanıram ki, prezidentin gücünə bu da həll olunacaq”.
Aşıq sənət adamlarının toy qiymətlərini artırmasına da münasibət bildirib:
“Mən el sənətkaryam. Bu günə kimi bir adama qiymət oxumamışam, toy yiyəsinin gücü nəyə çatıb o pula da getmişəm. Sənətkarların qiyməti Milli Məclisdə təsdiq olunmayıb. Dolların artması, manatın aşağı düşməsinin bizim sənətə aidiyyəti yoxdur”.
Aşıq Əhlimanın fikrincə, sənət adamları toy sahiblərinə hörmət etməlidir:
“Elə toylara getmişəm baxmışam ki, kasıbdır, pulsuz oxuyub gəlmişəm. Elə sənətkarlar da var ki, yarım saatı 4-5 minə oxuyurlar. Ataların belə bir sözü var, “ayağını yorğanına görə uzat”. Toy sahibinin ağlı var, yarım saat üçün niyə 5 min verir?”