Bakı, 25 dekabr, AZƏRTAC
Azərbaycan Dillər Universitetində (ADU) “Sağlam fərdlər sağlam ailənin təməlidir” layihəsi çərçivəsində “Çox rast gəlinən infeksiyalar” mövzusunda tədbir keçirilib.
ADU-dan AZƏRTAC-a bildiriblər ki, tədbirdə Respublika Taun Əleyhinə Stansiyasının əməkdaşları Sevinc Baxışova və Lətafət Cabbarova infeksion xəstəliklər haqqında məlumat veriblər. Onlar həmin viruslardan qorunmaq üçün ilk növbədə şəxsi gigiyena qaydalarına riayət etməyin və profilaktik tədbirlərə diqqət yetirməyin vacibliyindən danışıblar.
Sonra tələbələri maraqlandıran suallar cavablandırılıb.