Bakı, 25 dekabr, AZƏRTAC
Bakı Dövlət Universitetində (BDU) Qazax xanlığının yaranmasının 550 və müasir qazax yazılı ədəbiyyatının banisi, filosof, böyük ictimai xadim Abay Kunanbayevin 170 illik yubileyi münasibətilə keçirilən beynəlxalq konfrans çərçivəsində Qazaxıstanın tanınmış alimləri BDU-da mühazirələr oxuyublar.
BDU-dan AZƏRTAC-a bildiriblər ki, tanınmış abayşünas, akademik Qarifulla Yesim və Qazaxıstan Milli Elmlər Akademiyası nəzdindəki M. Auezov adına Ədəbiyyat və İncəsənət İnstitutunun direktoru, filologiya elmləri doktoru, professor Şakir İbrayev filologiya fakültəsinin tələbələri qarşısında “Abay Kunanbayevin yaradıcılığı və Qazax ədəbiyyatşünaslığının aktual problemləri” mövzusunda mühazirə ilə çıxış ediblər.
Akademik Bulat Kumekov və tarix elmləri doktoru, professor Bərəkət Karibayevin “Qazax xanlığının yaranması tarixi” mövzusunda tarix fakültəsində mühazirələri dinlənilib.