Bakı, 25 dekabr, AZƏRTAC
Kosmik stansiyadan zəng edən kosmonavt Tim Pik nömrəni səhv yığdığına görə üzr istəyib.
O, dəstəyi qaldıran qadından “Salam, bura Yer planetidir?” deyə soruşub.
AZƏRTAC bbc.com saytına istinadla xəbər verir ki, kosmonavt öz tvitter hesabında heç kimlə zarafat etmək istəmədiyini, sadəcə nömrəni səhv yığdığını yazıb. Əslində isə Tim Pik öz həyat yoldaşına zəng etmək istəyirmiş.
Qeyd edək ki, Tim Pik Avropa Kosmik Agentliyindən Kosmosa səyahət etmiş ilk britaniyalıdır.
