Aktual mövzular: Dollar alış-satışı , İstanbulda terror, Hava haqqında, Məzənnə, Neftin qiyməti

​Azad Rəhimov: "10 milyonun arasında 11 futbolçu tapmaq olar"

​Azad Rəhimov: "10 milyonun arasında 11 futbolçu tapmaq olar"

Date: 25 December 2015 17:07

Bu gün Gənclər və İdman Nazirliyində ilin yekunları ilə bağlı mətbuat konfransı keçirilib. Tədbirdə jurnalistlərin suallarını nazir Azad Rəhimov cavablandırıb.


A.Rəhimov ilk olaraq cari ildə görülən işlərlə bağlı məlumat verib: "Federasiyalarla birgə 200-dən artıq respublika yarışları təşkil edilib. Bunlardan 46-sı beynəlxalq yarış olub. İdman növləri üzrə yığma komandaların hər biri 12 gündən az olmayaraq, 101 təlim-məşq toplanışında iştirak edib. Orada 6000-ə qədər idmançı 65-i Azərbaycanda, 36-sı isə xaricdə olmaqla toplanışda olublar".


Nazir Azərbaycan idmançılarının 2016-cı il Rio-de-Janeyro Yay Olimpiya Oyunlarına 29 lisenziya qazandıqlarını xatırladıb. Bildirib ki, XXXI Yay Olimpiya Oyunlarına bu qədər lisenziya 7 idman növü üzrə sahibini tapıb: "Digər ənənəvi idman növlərindən əlavə, velosiped və triatlonçularımızdan da uğur gözləyirəm".


A.Rəhimov devalvasiyanın nazirliyin büdcəsinə təsir etmə ehtimalından da danışıb: "Nazirlik xaricdən mal idxal etmir və satmır. Ona görə də inanmıram ki, təsir etsin. Bu məsələlər sarıdan əminəm ki, bizdə problem olmayacaq".


Azərbaycan Otüstü Xokkey Federasiyasının vəziyyətli ilə bağlı danışan nazir işlərin federasiya tərəfindən aparıldığını və yalnız nazirlik tərəfindən dəstəkləndiyini deyib. O bildirib ki, bu səbəbdən nazirlik federasiyanın işlərinə qarışmır.


Gənclər və idman naziri futbol haqda da fikirlərini bölüşüb. Onun sözlərinə Azərbaycanda futbolun inkişaf etməsi üçün gənclərin yetişdirilməsinə üstünlük verilməlidi: "İdmanda yeni nəsil formalaşmasa, yeni gənclər olmasa, orada inkişaf ola bilməz. Hər bir idman klubunun akademiyası olmalı, futbolçu yetişdirilməlidi. Təxminən 10 milyon əhalisi olan Azərbaycanda 11-15 nəfər futbolçu tapmaq olar. Sadəcə, gələcək nəslə böyük diqqət yetirilməlidi".


Qolfun durumundan da danışan nazir bildirib ki, müvafiq federasiya daha fəal işləməlidi: "Bizim bir neçə qolf sahəmiz var və federasiya tərəfindən iş aparılmalıdı. Əsas məsələ maddi-texniki bazadı. Bu gün Quba və Bakıda o imkanlar var. Ancaq burada federasiya daha fəal işləməlidi. Hazırda iş zəif gedir və biz bununla razı deyilik. Reqbidə də işlər zəif aparılır. Belə getsə, biz nazirlik olaraq, müdaxilə edəcəyik".(Report)


Fanat.az


Tags:  Azad Rəhimov 10 milyonun arasında 11 futbolçu tapmaq olar

RƏYLƏR


Top news