Bakı-Berlin aviareysi martda bərpa olunacaq

Bakı-Berlin aviareysi martda bərpa olunacaq
17:32 25 Dekabr 2015
Ölkə mətbuatı
A- A+

Bakı. 25 dekabr. REPORT.AZ/ “Azərbaycan Hava Yolları” (AZAL) gələn il martın 27-dən etibarən Bakıdan Berlinə müntəzəm aviareysləri bərpa edəcək. “Report” AZAL-ın mətbuat xidmətinə istinadən xəbər verir ki, Bakı-Berlin-Bakı marşrutu üzrə birbaşa uçuşlar həftədə iki dəfə - çərşənbə axşamı və bazar günləri yerinə yetiriləcək.
Heydər Əliyev Beynəlxalq Hava Limanından uçuş Bakı vaxtı ilə saat 08:00-da, Tegel Beynəlxalq Hava Limanına (“A” terminalı) enmə yerli vaxtla saat 09:55-də, Berlindən uçuş yerli vaxtla saat 10:55-də, Heydər Əliyev Beynəlxalq Hava Limanına enmə Bakı vaxtı ilə saat 18:25-də olacaq.
Bakı-Berlin-Bakı marşrutu üzrə aviabiletin qiyməti 371 avrodan başlayır. Bakı-Berlin-Bakı reysi biznes və ekonom salonlu "Airbus A319" laynerləri ilə həyata keçiriləcək.

Xəbərin orijinal ünvanı: http://report.az/i-nfrastruktur/baki-berlin-aviareysi-martda-berpa-olunacaq

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR