Aktual mövzular: Dollar alış-satışı , Hava haqqında, Məzənnə, Neftin qiyməti

QHT-lərə Dövlət Dəstəyi Şurasının 2015-ci ildəki fəaliyyəti qənaətbəxş sayılıb

QHT-lərə Dövlət Dəstəyi Şurasının 2015-ci ildəki fəaliyyəti qənaətbəxş sayılıb

Date: 25 December 2015 20:18


Bakı, 25 dekabr, AZƏRTAC
Dekabrın 25-də Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası Katibliyinin müşavirəsi keçirilib.
Şuradan AZƏRTAC-a bildiriblər ki, iclasda sədr, Milli Məclisin deputatı Azay Quliyev rəhbərlik etdiyi qurumun 2015-ci ildəki fəaliyyətinin məhsuldar olduğunu deyib. A.Quliyev yerli və beynəlxalq layihələrin icra vəziyyəti, ictimaiyyətlə əlaqələrin qurulması, layihə və hesabatların elektron formada qəbulu və digər sahələrdə uğurlu nəticələrin əldə edildiyini bildirib. O qeyd edib ki, Şura sadəcə donor deyil, eyni zamanda, QHT-lərin hərtərəfli inkişafı üçün məqsədyönlü siyasət həyata keçirən dövlət qurumudur.
QHT-lərin müqavilə öhdəliklərinə əməl olunması ilə bağlı məsuliyyətlərinin artırılmasının vacibliyini bildirən Azay Quliyev dövlət vəsaitindən maksimum dərəcədə səmərəli və qənaətlə istifadə edilməsinin Şuranın fəaliyyətinin dəyişilməz istiqaməti olduğunu vurğulayıb.
Katibliyin fəaliyyəti haqqında hesabatla çıxış edən icraçı direktor Fərasət Qurbanov Şuranın 2015-ci ildə 520 yerli və xarici QHT-nin layihəsini dəstəklədiyini, keçirilən təlim, seminar və konfranslarda ümumilikdə 72 min şəxsin iştirak etdiyini diqqətə çatdırıb.
O, 2015-ci ildə QHT-lərin bilik və bacarıqlarının, təcrübələrinin artırılması üçün “Layihə hazırlığı”, “Monitorinq və qiymətləndirmə”, “İctimai problemlərin müəyyən olunması mexanizmləri” və digər mövzularda paytaxtda, eləcə də regionlarda fəaliyyət göstərən QHT-lər üçün çoxsaylı təlimlərin keçirildiyini deyib. Hazırda Bakı və Qazaxda bu cür təlimlərin davam etdirildiyini vurğulayan F.Qurbanov, həmçinin cari ildə 300-dən artıq QHT-yə illik maliyyə hesabatlarının hazırlanması ilə bağlı praktik yardımların göstərildiyini bildirib.

Tags:  QHT-lərə Dövlət Dəstəyi Şurasının 2015-ci ildəki fəaliyyəti qənaətbəxş sayılıb


RƏYLƏR


Top news