Tanınmış KVN-çi, əməkdar artist Tahir İmanovun toy mərasimi keçirilib.
Axşam.az BAKU.WS-ə istinadən xəbər verir ki, toy mərasimi bu gün "JW Marriott Absheron" hotelində baş tutub.
Mərasimdə aktyorun yaxınları ilə yanaşı, tanınmış simalar da iştirak ediblər. Mətbuata qapalı keçirilən məclisə prezident İlham Əliyevin qızı Leyla Əliyeva və müğənni Emin Ağalarov da qatılıblar.
Qeyd edək ki, Tahir İmanov 13 dekabr 1974-cü ildə Bakı şəhərində anadan olub. Azərbaycanın xalq artisti, bəstəkar Süleyman Ələsgərovun nəvəsidir. Bu, Tahir İmanovun birinci nikahıdır.
