Bu gecə saat 2 radələrində Şəmkir dəmiryol stansiyasının ərazisində yanğın hadisəsi baş verib. Bakıdan Gürcüstana daşınan neftlə dolu yük qatarının vaqonlarından biri anidən yanmağa başlıyıb.
Milli.Az Kəpəz TV-yə (Region TV) istinadən xəbər verir ki, əraziyə dərhal Şəmkir Dövlət Yanğından Mühafizə hissəsinin canlı qüvvəsi və texnikası cəlb olunub.
Aparılan qabaqlayıcı tədbirlər nəticəsində, 36 vaqondan ibarət qatarın 15-ci vaqonunda başlayan alovu digər vaqonlara və ətraf ərazilərə keçməsinin qarşısı alınıb. Yanğının səbəbləri araşdırılır.
Milli.Az