Aktual mövzular: Dollar alış-satışı , Hava haqqında, Məzənnə, Neftin qiyməti

“Kinomuzda Anar fenomeni” adlı kitab işıq üzü görüb

“Kinomuzda Anar fenomeni” adlı kitab işıq üzü görüb

Date: 26 December 2015 17:03


Bakı, 26 dekabr, AZƏRTAC 
“Elm və təhsil” nəşriyyatında tanınmış kinoşünas, sənətşünaslıq üzrə fəlsəfə doktoru Əlisəfdər Hüseynovun “Kinomuzda Anar fenomeni” adlı kitabı nəşr olunub.
AZƏRTAC xəbər verir ki, kitabın redaktoru və “Ön söz”ün müəllifi sənətşünaslıq üzrə fəlsəfə doktoru, dosent Vidadi Qafarovdur.
Müəllif bu yeni kitabında görkəmli Xalq Artisti, kino xadimi Anarın ssenariləri əsasında onun özünün və digər rejissorların çəkdikləri həm sənədli, həm də bədii filmləri geniş təhlil edib, onun Azərbaycan ekran sənətinə gətirdiyi yenilikləri, film yaratmaq məharətinin, ekran estetikasının prinsipial xüsusiyyətlərini araşdırıb, “kinematoqrafçı Anar” fenomeninin mahiyyətini açıqlayıb. Əlisəfdər Hüseynov, ümumiyyətlə istər ssenarist, istərsə də rejissor kimi Anarın kino tariximizdəki yerini müəyyənləşdirməyə çalışıb, elmi-nəzəri əhəmiyyət daşıyan bir sıra mühüm nəticələrə gəlib.
Kitabın sonunda kino estetikasının müxtəlif problemləri ətrafında Anarla geniş müsahibə verilib.

Tags:  Kinomuzda Anar fenomeni adlı kitab işıq üzü görüb


RƏYLƏR


Top news