Dibçəyə əkilmiş çinar kimiyəm

Dibçəyə əkilmiş çinar kimiyəm
22:17 26 Dekabr 2015
29 Digər
Ölkə mətbuatı
A- A+

Şeytan kasıb düşərsiniz deyə qorxudaraq sizə xəsisliyi, çirkin işləri əmr edər, sədəqə verməyinizi istəməz. Allah isə lütfündən sizə məğfirət və bol nemət vəd edir. Allahın ehsanı genişdir, hər şeyi haqqı ilə biləndir (Bəqərə surəsi- 268). 

O rayonlardan sovrulub xəzəl kimi Bakının küçələrinə töküldüyümüz ilk illərdə hər il işğal günündə məlum yerdə toplaşır, dərdləşir, olan-qalandan danışırdıq. Əldə-ovucda bir şey yox, gözlərdə hürkək baxışlar, adamın dörd bir yanından ağrı, ehtiyac oxunurdu. Ən çox da yas yerlərində görüşərdik. Birini axtarmaq istəyəndə də "Bakı" mehmanxanasının qarşısındakı bağa gedərdik. Bir də rayonumuzun işğal günündə Şəhidlər xiyabanının qarşısında yığışardıq.

İllər keçdikcə Sabirin o məşhur sözünü özümə şamil eləməyə başladım: "Ağladıqca kişi qeyrətsiz olur". Özümdən utanmağa başladım, istədiyim nədir yəni, yasamı gəlmişəm, görüşəmi? Dərdin var, get bir yerdə otur çək də. Bir gün tam anladım ki, mən duyğuların, ağrıların kollektiv yaşanmasına inanmıram. Dərdi olan dərdin çəkər, biz dərdimizlə şəkil çəkdiririk. Və beləcə, o görüşlərdən ayağımı çəkdim.

Üzə deyilməsə də, arxada çox deyilib: "Torpaqlarını verib, gəlib Bakıda adam olublar". Yanımda başqası haqqında söylənsə də, o sözü tamamilə öz üstümə götürmüşəm, özümə aid eləmişəm. Nə fərqi var axı, o, ya mən? Ağrı çəkənin, dərd götürənindir. Doğrudur, nə köçkün statusum var, nə də hər hansı imtiyazım, amma doğulduğun torpağa, oynadığın həyət-bacaya, atanın məzarına gedə bilmirsənsə, kim olursan-ol... Mənliyi olan və o torpaqlardan məhrum qalmış hər bir kişi dibçəyə əkilmiş çinar fidanı kimidir. Mən çinar fidanıyam, dibçəyə əkilmişəm; elə bilirəm ki, ötən bu 22 ildə bir arpa boyu qədər uzanmamışam, yarpaq açmamışam, böyüməmişəm. Yaşlanmamışam, əskimişəm, köhnəlmişəm; qocalmamışam, nimdaş olmuşam...

Hərdən üzümü ovcuma alıb bir tərəfdə büzüşür, xəyalımda o kənd-kəsəyə qayıdıram. Kimlər gözümün qabağına gəlir, İlahi! Qarış-quruş Bəhrəm, Privet Mustafa, dəllək Qüdülüş... Ölənlər, ölməyənlər bir-bir gözlərim önündən keçir. Nə qədər  səmimi, nə qədər təbii adamlar idilər.

Bakıda yeddi il tələbə oldum, Bakıda yeddi dəfə baş qırxdırmadım. Uşaqlar zarafatla deyirdilər ki, milyoner başını 3 manata qırxdırır, Əli 13 manata. Yalan da demirdilər, 6 manat o başa, 6 manat bu başa, bir manat da Qüdülüşə. Yastı-yastı, şirin-şirin danışmağı vardı Qüdülüşün; kəndin ağsaqqallarının siyahısını tutmuşdu, bu gün kimin üzü, başı qırxılmalıdır. İndi deyirlər, Zabrat tərəfdə, haradasa bir budkası var. Sağlığınıza daha mənim də başımda Qüdülüşlük bir şey qalmayıb.

İllər ötür, o qanlı-qadalı günlər, üzünün qanı torpağa yapışmış o qəhrəman oğullar aybaay, günbəgün bizdən uzaqlaşır. Ad çəkməyə qorxuram, qorxuram ki, birisini unudub qəlbini qırım. O qədər fədakar, ürəkli oğullar idilər ki! Allah hamısına rəhmət eləsin!

Bəlkə də bu 22 ildə qoyub gəldiyim o torpaqlar haqqında yazdığım ilk elegiyadır bu. Əslində yazmağa niyyətim də yox idi; bir agentlikdən tanımadığım gənc bir əməkdaş zəng edib israrla yazı istədi. Mənim üçün hər ağrıdan yazı çıxmır, bəzi mövzuları yazırsan, bəzi mövzuları ağlayırsan. Mən Cəbrayıl mövzusunu hər dəfə ağlayıb içimə yazmışam. Bu dəfə də hələ tanımadığım o gənc qardaşımızın təşviqi ilə özümdən bir neçə sətir oğurlamaq istədim.

Bəlkə də ona görə yaza bildim ki, başımıza gələnlərdən artıq fərqli qənaətlər çıxarmağa başlamışam. Bilmirəm, bir daha o yerlərə dönmək mənə nəsib olacaq, ya yox. Amma bildiyim bir şey var ki, bu hadisələr bizim üçün çox ciddi bir imtahandır.

Allah-Təala Qurani-Kərimdə buyurur ki, əgər bir toplum öz niyyətini, istiqamətini düzəltməzsə, yəni haqqa doğru yönəlməzsə, Allah-Təala o toplumun səmtini xeyrə çevirməz.

Şəhidlik ölümün zirvəsidir. Allah-Təala bu üzüqara quluna şəhidlik nəsib eləsin. Amma şəhid ola bilmək üçün öncə cihad ruhu, şəhidlik anlayışı lazımdır. Ölüm gerçəyi hər birimizlə üz-üzə, göz-gözədir, zamanı yetdimi, bir andaca ley kimi qapıb aparacaq. Amma bu ölüm məsələsi kiminə ayrılıqdırsa, kiminə də təsəllidir. Heç bu mənzərəni göz önünə gətirə bilirsinizmi?

Bir qoca uşağa baxıb düşünür: "Eh, hələ bunun qarşısında nə qədər çətin yollar var, bu dünyanın nə qədər dərdini-sərini çəkəcək, bizim yaşımıza yetişəcəkmi görəsən, dirigözlü gor evinə gedə biləcəkmi?" Sonra da qəlbində dua edir: "Allah köməyin olsun, balaca. Biz heç, biz artıq ömür deyilən bu yükü birtəhər soyub quyruğuna gətirdik, sən gör nələr çəkirsən".

Uşaq da qocaya baxıb təxminən belə düşünür: "Yazıq qoca, gözləri görmür, qulaqları eşitmir, bu gün-sabahlıqdır. Bu işıqlı dünyadan köçüb, qaranlıq bir qəbrə girəcək".

Mən indi özümü təxminən o qocanın yerində görürəm. Bu söhbəti də ona görə danışdım ki, həqiqətə hər kəs durduğu yerdən baxır və gördüyündən də qənaət çıxarır. Üç il, beş il deyil, o yurddan qopduğumuz 22 ili də ötdü. O bayatıda deyildiyi kimi,

Bir gününə dözməzdik, Olduq illər ayrısı.

Yerliçilik, o rayondan, bu kənddən, filan məhlədən... Mənim üçün o qədər bəsit və iyrənc söhbətlərdir ki, bu barədə heç danışmaq istəmirəm. Amma etiraf edim ki, Cəbrayılın hansısa kəndindən bir adama rast gələndə saxlayıb 3-5 dəqiqə danışdırmaq, hal-əhval tutmaq istəyirəm. İstəyirəm ki, o kənd adlarını, o yoxuşları, o adamların danışığındakı mənə doğma olan o ləhcəni yaddaşımda, ruhumda yeniləyim, möhkəmləndirim. Yəni bu mənada hər cəbrayıllı mənim üçün bir ovuc yovşan qoxulu torpaq kimidir.

Bəlkə də dostların gözü axtardı, "Əli bu il gəlmədi" dedilər. Nə deyirlər, desinlər, elə bilirəm ki, duyğularımı, ağrılarımı başa düşəcəklər...

Mən bir çinar fidanıyam, dibçəyə əkilmişəm; həm də ötən bu 22 ildə nə bir arpa boyu boy atmışam, nə bir yarpaq açmışam. Beləcə, sozala-sozala durmuşam, kökü dibçəkdə olanın ömrü-günü nə olacaq axı? Mən dibçək çinarıyam.
"Zaman Azərbaycan"

RƏYLƏR

BU KATEQORİYADAN DİGƏR XƏBƏRLƏR

Ölkə mətbuatında bugün »

"Barselona" Arda Turanın qiymətini açıqladı

17 Avqust 2017 10:07

Deputat xaricdəki azərbaycanlılara səsləndi - "Qarabağ" üçün

17 Avqust 2017 10:07

Bakıda qadın həmcinsini xəstəxanalıq etdi

17 Avqust 2017 10:04

“Gedirəm, üzümdə həsrət naxışı…” – İlhamə Quliyevanın doğum günüdür

17 Avqust 2017 10:03

Prokuror "Qala BTX" MMC-nin keçmiş əməkdaşlarına ümumilikdə 493 il cəza istəyib

17 Avqust 2017 10:02

Naxçıvan əhalisinin sayı açıqlanıb

17 Avqust 2017 09:57

AMEA-nın magistraturasına qəbul olanların nəzərinə!

17 Avqust 2017 09:54

Bakının mərkəzi küçəsində QORXUNC ANLAR: 45 yaşlı qadın huşunu itirdi və ...

17 Avqust 2017 09:53

Çində leysan nəticəsində 750 mindən çox insana ziyan dəyib

17 Avqust 2017 09:52

CƏBHƏDƏN XƏBƏR VAR

17 Avqust 2017 09:49

Məşhur müğənni səhnədə növbəti dəfə BİABIR OLDU - FOTO

17 Avqust 2017 09:48

Kopenhagendə "Qarabağ"ı izləmək neçəyə başa gələcək? (QİYMƏTLƏR)

17 Avqust 2017 09:47

Atatürkün portreti silinir - 35 il sonra

17 Avqust 2017 09:43

Türkiyədə zəlzələ: 17 min ölü, 44 min yaralı

17 Avqust 2017 09:38

Azərbaycan nefti 1% bahalaşıb

17 Avqust 2017 09:37

"Neftçi"nin keçmiş hücumçusu Malta klubu ilə müqavilə bağlayıb

17 Avqust 2017 09:37

Bakıda 32 yaşlı kişi özünü asaraq intihar edib

17 Avqust 2017 09:37

Atəşkəs ötən gecə də pozuldu - 100 dəfədən çox

17 Avqust 2017 09:34

VALYUTA MƏZƏNNƏLƏRİ

17 Avqust 2017 09:33

"Dünyanın ən gözəli" bu şəhər seçildi - FOTO

17 Avqust 2017 09:29

Atəşkəs iriçaplı pulemyotlarla pozuldu

17 Avqust 2017 09:28

Ermənilər atəşkəs rejimini 117 dəfə pozublar

17 Avqust 2017 09:27

"Azercell" abunəçilərini xəbərdar edib

17 Avqust 2017 09:27

Bakıda kafe yandı

17 Avqust 2017 09:27

Naft bahalaşdı

17 Avqust 2017 09:23

Azərbaycan Mərkəzi Bankının valyuta məzənnələri (17.08.2017)

17 Avqust 2017 09:22

Paytaxtın şimal hissəsi yanır - VİDEO

17 Avqust 2017 09:18

“Barselona” yenə “Real”la bacarmadı - VİDEO

17 Avqust 2017 09:17

Millət vəkili: "Kim istəyirsə, qonaqlıq verə bilərəm"

17 Avqust 2017 09:17

Xarici valyutaların manata qarşı məzənnələri

17 Avqust 2017 09:16

Bu ərazilərdə EV TİKMƏYİN - XƏBƏRDARLIQ

17 Avqust 2017 09:13

Samuxda zəlzələ olub

17 Avqust 2017 09:05

Samuxda ZƏLZƏLƏ

17 Avqust 2017 09:03

Venesuelada həbsxanada toqquşma - 35 ölü

17 Avqust 2017 09:03

Britaniyanın baş naziri Trampı tənqid edib

17 Avqust 2017 08:52

Model Didem Soydanın cəsarətli fotosu minlərlə BƏYƏNMƏ ALDI

17 Avqust 2017 08:33

Şəmkirdə avtomobil piyadanı vurub

17 Avqust 2017 08:22

Gəlin köklə birlikdə qayınanasının nişan üzüyünü “çıxardı” – FOTO

17 Avqust 2017 08:03

İŞİD İraqda polis postuna hücum edib: ölənlər və yaralananlar var

17 Avqust 2017 08:02

ABŞ Çinlə “iqtisadi müharibə” vəziyyətindədir - Ağ ev rəsmisindən etiraf

17 Avqust 2017 07:44

Ronaldo beş oyunluq diskvalifikasiyanı şərh etdi

17 Avqust 2017 07:33

Avropa Liqasında “pley-off” mərhələsinin növbəti ilk oyunları keçiriləcək

17 Avqust 2017 07:12

Yumurta qalmaqalı Avropanı bürüyür

17 Avqust 2017 07:03

Avropa futbolunda ilk: oyunu qadın idarə edəcək

17 Avqust 2017 06:59

Qvatemalada cinayətkar qrup xəstəxanaya hücum edib: 7 ölü, 12 yaralı

17 Avqust 2017 06:47

Koalisiya qüvvələri Rəqqaya zərbələr endirib - 40 dinc sakin həlak olub

17 Avqust 2017 06:33

Moskvada güclü yanğın

17 Avqust 2017 06:14

Naxçıvan əhalisinin gəlirləri artıb

17 Avqust 2017 06:07

“Tesla” şirkəti kiçik daşına bilən ev təqdim etdi

17 Avqust 2017 06:03

Avropada gücü 900 vattdan çox olan tozsoranların satışına qadağa qoyulacaq

17 Avqust 2017 05:33