Aktual mövzular: Dollar alış-satışı , Hava haqqında, Məzənnə, Neftin qiyməti

Xalq artisti: "6 yaşımda həbsxanada olmuşam"

Xalq artisti: "6 yaşımda həbsxanada olmuşam"

Date: 27 December 2015 10:52

"Bəxt üzüyü" filmində canlandırdığı "Moşu" obrazı ilə hər kəsin qəlbinə yol tapan xalq artisti Valeh Kərimov uşaq yaşlarında başına gələn acı hadisələrdən danışıb. 

Milli.Az big.az-an istinadən bildirir ki, xalq artisti 6 yaşı olarkən ailəsi ilə birlikdə 2 ayda həbsdə qalmasını göz yaşları ilə xatırlayıb:

"6 yaşım olanda ailəmlə birlikdə sərhədi keçərkən Cəlilabadın Prişib qəsəbəsində bizi həbs etdilər. Bizi qazamatda saxlayırdılar. Bizim ailə ilə yanaşı neçə-neçə ailələr var idi orada. Qadınlar var idi, öz uşaqları ilə həbs olunmuşdular. O da yadımdadır ki, bir vanna otağı idi, bizi saldılar o vannaya. Biz o vannada yaşayırdıq. Dəmir kasalarda şorba gətirirdilər bizə. Çay da verirdilər. Türmə həyatını mən onda görmüşəm. Sonradan bizi başqa kameraya keçirdilər. Oranın həyəti də var idi. Bir neçə müddət orada qaldıq. Sonra dedilər ki, sizi buraxacaqlar. Səs-küy aləmi götürmüşdü. Bizi yük vaqonlarına yığdılar. Bizi bir yerdə bir kəndə apardılar. 17 ailə olardı təxminən, bizə demokrat deyirdilər. Sonra da həyatımız öz axarı ilə davam etməyə başladı".

Qeyd edək ki, Valeh Kərimov bunu ATV-də Günay Firudinqızının təqdimatında yayımlanan "Geriyə baxanda" verilişində deyib.

Milli.Az


Tags:  Xalq artisti yaşımda həbsxanada olmuşam


RƏYLƏR


Top news