ATV kanalında yayımlanan "Bu stil mənim" verilişində iştirakçılardan biri münsiflər heyyətində olan model Günay Musayevaya hörmətsizlik edib.
Milli.Az big.az-a istinadən bildirir ki, Günay Musayevanın iradlarını birmənalı qarşılmayan Aytac onun sözünü yarımçıq kəsib.
Bundan əsəbləşən Günay Musayeva: "Siz çox sayğısız insansınız, həddinizi bilmirsiniz, hörmətsizlik edirsiniz. Siz iştirakçılarla münsiflər heyətini səhv salırsınız", - deyərək ona ən aşağı balı verib.
Layihənin digər münsifi Zaur Baxşəliyev də iştirakçıya üzünü tutaraq: "Siz Günay Musayevanın sözünü yarımçıq kəsməklə hamımıza hörmətsizlik etmiş olursunuz. Özünüzü ələ alın, bu qədər hazırcavablıq nəyə lazımdır axı", - deyərək iştirakçıya iradlarını bildirib.
Qeyd edək ki, verilişin sonunda iştirakçı Aytac ən az bal topladığına görə yarışdan kənarlaşdırılıb.
Münsiflər heyətində Zaur Baxşəliyev, Fəxriyyə Xələfova, Günay Musayeva təmsil olunurlar.
Milli.Az