Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

​Ağdamda bir gündə iki mağaza qarət edilib

​Ağdamda bir gündə iki mağaza qarət edilib

Date: 27 December 2015 12:52

Bakı. 27 dekabr. REPORT.AZ/ Ağdam rayonunda iki mağazadan oğruluq edilib.
"Report" xəbər verir ki, hadisə rayonun Quzanlı qəsəbəsi, Heydər Əliyev prospektində qeydə alınıb.
Oğrular ilk öncə prospektdə yerləşən, Məmmədov Zaur İlqar oğluna məxsus ərzaq mağazasından təxminən 40-50 AZN dəyərində ətriyyat və spirtli içkilər oğurlayıb. Canilər mağazaya mağazanın damından daxil olublar.
Daha sonra onlar eyni qayda ilə ərzaq dükanı yaxınlığında yerləşən mobil telefon mağazına da daxil olublar. Qasımov Rəşad Həbib oğluna məxsus telefon mağazından isə ümumi dəyəri 1000 manata yaxın telefon və telefon aksesuarları oğurlanıb. Canilər telefon mağazasının ön qapısının şüşələrini qıraraq hadisə yerindən qaçmağa nail olublar.
Hər iki zərərçəkən Ağdam rayon Polis şöbəsinə müraciət edib.
Faktla bağlı Ağdam rayon Polis şöbəsində araşdırma aparılır, oğruların kimliyinin müəyyənləşdirilməsi istiqamətində tədbirlər davam etdirilir.


Tags:  Ağdamda gündə iki mağaza qarət edilib

RƏYLƏR


Top news