Aktual mövzular: Dollar alış-satışı , Hava haqqında, Məzənnə, Neftin qiyməti

​Azərbaycan Tacikistana növbəti humanitar yardım karvanını yola salıb

​Azərbaycan Tacikistana növbəti humanitar yardım karvanını yola salıb

Date: 27 December 2015 13:32

Bakı. 27 dekabr. REPORT.AZ/ Bu gün Fövqəladə Hallar Nazirliyi (FHN) Azərbaycan hökuməti adından Tacikistanın Dağlıq Bədəxşan vilayətində baş vermiş güclü zəlzələ ilə əlaqədar bu ölkəyə növbəti humanitar yardım karvanını yola salıb.
"Report" FHN-ə istinadən xəbər verir ki, Yeni Bakı Beynəlxalq Dəniz Ticarət Limanından bərə ilə yola salınan, 11 yük maşınından ibarət və ümumi dəyəri 800 min manat olan humanitar yardıma 9.5 ton qənd, 9.5 ton şəkər tozu, 15 ton düyü, 3 ton çay, 16 tondan artıq bitki yağı, 19 ton un, 19 ton makaron, 18 tondan artıq vermeşil, 2000 ədəd yataq dəsti (yastıq, ədyal, döşək ağı dəsti), 50 ədəd generator, 110 ədəd çadır, 6000 kv m dam örtüyü (dəmir şifer) və 30 kub m taxta daxildir.
Qeyd edək ki, humanitar yardımın yola salınması mərasimində fövqəladə hallar nazirinin müavini tibb xidməti general-leytenantı Faiq Tağı-zadə və Tacikistanın ölkəmizdəki səfirliyinin 1-ci katibi Salimi Xatloni iştirak edib.
Yardım Azərbaycan prezident İlham Əliyevin tapşırığına əsasən göndərilib.

Tags:  Azərbaycan Tacikistana növbəti humanitar yardım karvanını yola salıb

RƏYLƏR


Top news