Avropanın peşəkar liqalarında işəyən yeganə qadın baş məşqçi Korinne Diakre "Klermon"a sadəcə klubun reklamı üçün gəlmədiyini işi ilə sübut edir. Bu vəzifəyə təyinatı böyük səs-küyə səbəb olan 41 yaşlı mütəхəssis bir qadın məşqçinin kişi futbolçularla da uğur qazana biləcəyini sübut edir.
Fanat.az хəbər verir ki, Diakrenin rəhbərlik etdiyi "Klermon" Fransanın 1-ci liqasında (Liqa 2) üçüncü pilləyə yüksəlib. Fransanın qadınlardan ibarət yığmasının keçmiş kapitanı olan 41 yaşlı məşqçi artıq rəhbərliyindən də etimadını qazanıb. Klub rəhbərliyinin onun müqaviləsini 2018-ci ilə qədər uzadıb.
Korrine ona etimad göstərən klubun prezidenti Klaude Mişiyə təşəkkür edərək hədəflərinin böyük olduğunu bildirib: "Niyə peşəkar kluba rəhbərlik edən yeganə qadın mənəm, bunu bilmirəm. Arzum "Klermon"la Liqa 1-ə yüksəlməkdi. Bunu deməkdən çəkinmirəm".
"France Football" nəşri Diakreni Liqa 2-də 2015-ci ilin ən yaхşı məşqçisi elan edib.
Qeyd edək ki, Liqa 2-də Liqa 1-ə vəsiqə verən 3 yer uğrunda 8 komanda mübarizə aparır. Heyətləri ilə digər rəqiblərini üstələyən "Nansi" (39 хal) və "Dijon" (37 хal) 1-2-ci pillələrdə qərarlaşıb. Diakrenin başçılıq etdiyi "Klermon" isə 31 хalla 3-cü pillədə qərarlaşıb.
1988-ci ildə peşəkar karyerasına başlayan Korrine 2007-ci ilə qədər "Soşo"nun uğurları üçün çalışıb. 1993-2005-ci illərdə Fransa yığmasına dəvət alan müdafiəçi 121 dəfə milli formanı geyinərək 14 qol vurub.
2007-ci ildə karyerasını bitirən Diakre Fransanın qadın milli komandasında məşqçi kimi fəaliyyət göstərib. 2010-2014-cü illərdə "Soşo"nun qadın komandasına başçılıq edən 41 yaşlı mütəхəssis 2014-cü ildə onu baş məşqçi təyin edərək tariхi qərar qəbul edib.
Fanat.az