Aktual mövzular: Dollar alış-satışı , Hava haqqında, Məzənnə, Neftin qiyməti

Ehud Barakın Bakıdan pul alması mümkündür

Date: 27 December 2015 19:46

Ehud Barakın Bakıdan bir neçə yüz min dollar alması mümkündür.

ANS PRESS-ə bu barədə Ehud Barakın yaxın adamı, onun seçki kampaniyasının iştrakçısı, onun barədə kitab yazmış keçmiş səfir Yosef Şaqal İsrailin “Haaretz” qəzetinin məqaləsini şərh edərkən bildirib.

“Haaretz” qəzetinin yazdığına görə, İsrailin istintaq orqanları Ehud Barakın Azərbaycanla “şübhəli pul sövdələşməsini” araşdırır. Qəzet bildirib ki, iki həftə əvvəl İsrailin baş prokuroru İequda Vaynşteyn keçmiş baş nazirdən Azərbaycanın “iri dövlət şirkətlərindən biri ilə” bütün elektron yazışmalarını istintaqa verməyi tələb edib. Polis Ehud Baraka qarşı təhqiqatı Bakının ona bir neçə yüz min dollar ödədiyi məlum olandan sonra başladıb və bunun rüşvət ola biləcəyini düşünür.


Ehud Barak - İsrailin sabiq baş naziri


Məsələni ANS PRESS-ə şərh edən Yosef Şaqal vurğulayıb: “Ehud Barak siyasi məsləhətlərlə məşğuldur. Onun Bakıdan pul alması mümkündür və burada qorxulu bir şey yoxdur”.

Yosef Şaqal Ehud Barakın bu cür məsləhətlərə görə bir neçə yüz min dollara çatan qanorar almasını mümkün sayır: “O, baş nazir, müdafiə naziri olub. Belə səviyyədə siyasətçilər istefaya çıxdıqdan sonra onların məruzələrinin saatının qiyməti bir neçə yüz min dollara qədər qalxa bilər. Bu, siyasətçinin səviyyəsindən, siyasi nailiyyətlərindən və s.-dən asılıdır. Siyasi konsultasiyalara görə Ehud Baraka bir neçə milyon dollar verilməsi tamamilə real qiymətdir. Burada qorxulu bir şey yoxdur, qanunla əldə edilmiş qazancdır”.


Yosef Şaqal - İsrail diplomatı, keçmiş səfir

Keçmiş səfir Ehud Barakın korrupsiyaya bulaşdığına inanmadığını deyir: “Məndən ötrü bu insan yüksək siyasi mədəniyyət təmsilçisidir və inanmıram ki, Ehud Barak özünü koorupsiya faktı ilə ləkələsin. Bu, mümkün deyil. Ehud Barak çox varlı adamdır. Siyasətə gəlməzdən öncə uzun illər bizneslə məşğul olub, varlanıb. Təl-Əvivdə bir neçə evi var. İmkanlıdır”.

Lakin bununla belə, Yosef Şaqal Ehud Barakın Azərbaycanla şübhəli pul sövdələşməsindən məqalə yazmış “Haaretz” qəzetini ciddi media orqanı sayır: "Bu qəzet yetərincə ciddi orqandır, ənənəvi olaraq sol yönümlüdür. Yetərincə məşhur qəzetdir. Amma onun hansı faktlara əsaslandığı hələ ki, məlum deyil. Böyük ehtimalla bu siyasi məsləhətlərə görə qanorardır. İstənilən halda, məsələdə korrupsiya faktının olmasını yalnız məhkəmə sübut edə bilər".




Tags:  Ehud Barakın Bakıdan pul alması mümkündür


RƏYLƏR


Top news