Şəkidə 36 yaşlı kişi bədbəxt hadisə nəticəsində ağır xəsarət alıb.
Şəki Rayon Mərkəzi Xəstəxanasından (RMX) lent.az-a verilən məlumata görə, rayonun Kiçik Dəhnə kənd sakini, 1979-cu il təvəllüdlü Zaur Oqtay oğlu Mustafayev travmatik şok vəziyyətdə xəstəxanaya daxil olub.
Məlum olub ki, 36 yaşlı Zaur Mustafayev kəndin yaxınlığındakı dağlıq ərazisində at arabası ilə hərəkətdə olarkən anidən müvazinətini itirib və yerə yıxılıb. Nəticədə Zaur Mustafayev ağır qapalı kəllə-beyn travması alıb. Xəstəxananın reanimasiya şöbəsinə yerləşdirilən Zaur Mustafayevin hazırda vəziyyətinin orta-ağır olduğu bildirilir.
Faktla bağlı araşdırma aparılır.
Vüqar Heydərov