Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Vurulan Rusiya təyyarəsi barədə dəhşətli iddia

Vurulan Rusiya təyyarəsi barədə dəhşətli iddia

Date: 28 December 2015 01:56

Misirin Şarm əl Şeyx şəhərindən Rusiyanın Sankt Peterburq şəhərinə uçarkən 224 nəfərin ölümü ilə nəticələnən təyyarə qəzası barədə qorxulu iddia yayılıb. ANS PRESS-in məlumatına görə, sərnişin təyyarəsinin Kremlin əli ilə vurulduğu iddia olunur. İddianı İngiltərədə yaşayan keçmiş KQB casusu Boris Karpiçkov irəli sürüb.

Karpiçkov bildirib ki, Putinin bu faciəyə izn verməsinin səbəbi həm Ukraynaya qarşı aqressiv mövqedən sonra beynəlxalq ictimaiyyət qarşısında Rusiyaya “yazıq obrazı” qazandırmaq, həm də İŞİD-lə mübarizə adı altında Suriyadakı əməliyyatlarına dəstək əldə etmək olub. Eks casus həmçinin Putinin Suriyada Əsəd müxaliflərini vurmaq üçün bundan məharətlə istifadə etdiyini deyib.


Keçmiş KQB casusu Boris Karpiçkov

Karpiçkovun iddialarına görə bu planı Rusiyanın Baş Kəşfiyyat İdarəsi (QRU) hazırlayıb və bir daşla iki quş vurulmaq istənib; beləcə İŞİD ittiham olunaraq Rusiyanın bölgədəki hərbi əməliyyatları dəstəklənəcək və Rusiya Yaxın Şərqdə maneəsiz silah ticarəti ilə məşğul olacaqdı.

Oktyabrın 31-də Misirin Şarm əl Şeyx turistik şəhərindən Rusiya Federasiyasının Sankt Peterburq şəhərinə uçan “Metrojet” aviaşirkətinə aid sərnişin təyyarəsi havaya qalxdıqdan 23 dəqiqə sonra Sinay çölündə naməlum səbəbdən qəzaya uğrayıb. Faciə zamanı təyyarədə əksəriyyəti Rusiya vətəndaşı olan 224 nəfərin hamısı ölmüşdü. Hadisənin məsuliyyətini İŞİD terror qruplaşması öz üzərinə götürsə də Rusiya prezidenti Vladimir Putin əvvəl hadisənin terror faktı olmasını istisna etmişdi.


Karpiçkova aid xidməti vəsiqə

Tags:  Vurulan Rusiya təyyarəsi barədə dəhşətli iddia


RƏYLƏR


Top news