Türkiyədə PKK terror təşkilatının üzvü olan, sui-qəsd hazırılığında olduğu güman olunan qadın polis tərəfindən zərərsizləşdirilib. ANS PRESS-in yerli mətbuata istinadən verdiyi məlumata görə, hadisə kürdlərin kompakt yaşadığı Mardin vilayətinin Derik rayonunda baş verib.
Rayon polis bölməsinin binasına daxil olmağa çalışan qadın polisin sayıqlığı nəticəsində ələ keçirilib. “Lilav” kod adlı qadın terrorçu əlində 2 əl qumbarası və 1 “Glock” markalı tapança ilə bölməyə daxil olub. Onun hərəkətlərin şübhələnən polis əməkdaşı qadın terrorçunun üstünə tullanaraq onu zərərsizləşdirib.
Təcridxanaya yerləşdirilən qadın terrorçu paltarındakı iplə intihara cəhd etsə də polis onun özünü öldürməsinin qarşısını alıb.
