Aktual mövzular: Dollar alış-satışı , Hava haqqında, Məzənnə, Neftin qiyməti

Həlak olmuş və itkin düşmüş neftçilərin ailələrinin hamısı bu gün maddi yardımla təmin olunacaqlar

Həlak olmuş və itkin düşmüş neftçilərin ailələrinin hamısı bu gün maddi yardımla təmin olunacaqlar

Date: 28 December 2015 11:28


Bakı, 28 dekabr, Nihad Budaqov, AZƏRTAC
“Günəşli” yatağındakı 10 nömrəli dərin dəniz özülündə baş vermiş qəza zamanı həlak olmuş və itkin düşmüş neftçilərin hamısının ailələrinə birdəfəlik maddi yardımın verilməsinin Azərbaycan Respublikası Dövlət Neft Şirkəti (SOCAR) tərəfindən bu günün sonunadək başa çatdırılması nəzərdə tutulur.
SOCAR-ın mətbuat xidmətindən AZƏRTAC-a bildirilib ki, artıq həlak olan və itkin düşən şəxslərin yarıdan çoxunun ailə üzvləri ilə görüşlər keçirilib və yardım müəyyənləşdirilmiş şəxslərin adına açılmış bank hesablarına köçürülüb.
“Azneft” İstehsalat Birliyindən məlumat verilib ki, dövlət tərəfindən birdəfəlik maddi yardım ödənilməsi prosesi birlik tərəfindən də həyata keçirilir. Həlak olan və itkin düşən “Azneft” İB-nin işçilərinin artıq 70-80 faizinin ailələri maddi yardımlarla təmin olunublar. Qalan ailələrə də bu günün sonuna kimi yardımların verilməsi planlaşdırılıb.
Qeyd edək ki, Prezident İlham Əliyevin müvafiq Sərəncamının icrasını təmin etmək məqsədilə, dekabrın 4-də təbii fəlakət nəticəsində “Günəşli” yatağındakı 10 nömrəli dərin dəniz özülündə baş vermiş qəza zamanı həlak olan və itkin düşən SOCAR-ın əməkdaşlarının hər birinin ailəsinə dövlət tərəfindən 15 000 (on beş min) manat məbləğində birdəfəlik maddi yardım ödənilməsi qərara alınmışdı. Artıq dekabrın 24-dən etibarən bu yardımların, eyni zamanda həmin gün “Neft Daşları”ndakı 501 nömrəli özüldə baş vermiş qəzada itkin düşən üç nəfər neftçinin ailəsinə SOCAR tərəfindən ayrılmış eyni məbləğdə birdəfəlik yardımların verilməsi prosesinə başlanılmışdı.

Tags:  Həlak olmuş itkin düşmüş neftçilərin ailələrinin hamısı bu gün maddi yardımla təmin olunacaqlar


RƏYLƏR


Top news