"Çelsi"nin yarımmüdafiəçisi Sesk Fabreqas "Mançester Yunayted"ə qarşı görüşdə oynaya bilməyəcək.
Metbuat.az "The Telegraph"a istinadən xəbər verir ki, ispan futbolçu temperaturunun yüksək olması səbəbindən Mançesterə aparılmayıb. Daha öncə İngiltərə mətbuatında yayılan məlumatlarda Fabreqasın sabiq baş məşqçi Joze Mourinyonun qovulmasında rolunun olduğu bildirilmişdi.
Dieqo Kosta isə diskvalifikasiya səbəbindən "Mançester Yunayted"lə oyunda meydana çıxa bilməyəcək. Loik Remi, Radamel Falkao və Eden Azar isə optimal formalarını bərpa edə bilməyiblər.
