Aktual mövzular: Dollar alış-satışı , Hava haqqında, Məzənnə, Neftin qiyməti

Vergi bəyannəmələrinin yeni formaları təsdiqləndi

Vergi bəyannəmələrinin yeni formaları təsdiqləndi

Date: 28 December 2015 13:01

Vergi bəyannəmələrinin yeni formaları təsdiq edilib. Nazirlikdən ANS PRESS-ə verilən məlumata görə, prezidentin 7 dekabr 2015-ci il tarixli fərmanı ilə təsdiq edilmiş "Azərbaycan Respublikasının Vergi Məcəlləsinə dəyişikliklər edilməsi barədə" qanununun tətbiqi ilə əlaqədar Vergilər Nazirliyi tərəfindən təsdiq edilən normativ-hüquqi sənədlərə müvafiq dəyişikliklər və əlavələr olunub.

Vergi Məcəlləsinə edilmiş dəyişikliklərlə əlaqədar, “Yaşayış və qeyri-yaşayış sahələrini təqdim edən şəxslərdən notariuslar tərəfindən ödəmə mənbəyində tutulan sadələşdirilmiş verginin bəyannaməsi”, “İdman mərc oyunlarından əldə edilən uduşların ödəmə mənbəyində tutulan gəlir vergisinin bəyannaməsi”, “Sadələşdirilmiş vergi bəyannaməsi”, “Bina tikintisi fəaliyyəti ilə məşğul olan şəxslərin sadələşdirilmiş vergi bəyannaməsi”, onların əlavələri və tərtib olunma qaydaları təsdiq edilib.

Bundan əlavə, “Ticarət və ictimai iaşə fəaliyyəti ilə məşğul olan şəxslər tərəfindən sadələşdirilmiş vergi ödəyicisi olmaq hüququndan istifadə etmək haqqında” və “Bina tikintisi fəaliyyəti ilə məşğul olan şəxsin seçdiyi vergitutma metodu barədə” məlumat formaları da təsdiq edilib.



Tags:  Vergi bəyannəmələrinin yeni formaları təsdiqləndi


RƏYLƏR


Top news