Aktual mövzular: Dollar alış-satışı , Hava, Məzənnə, Neftin qiyməti

"YUĞ" Teatrı ilin sonuncu tamaşasını nümayiş etdirib

Tətildə uşaqları hara aparaq? – YERLƏR, QİYMƏTLƏR (20 Mart 2017 17:53)
Gənc Tamaşaçılar Teatrı Dünya Uşaq və Gənclər Teatr Günü üçün xüsusi repertuar tərtib edir (06 Mart 2017 20:57)
ADGTT xarici səfərlərə hazırlaşır - FOTO (21 Fevral 2017 14:47)

Tarix: 28 Dekabr 2015 13:07

"Report" xəbər verir ki, 2015-ci ilin son tamaşası yazar Pərvinin pyesi əsasında hazırlanan "Sonuncu" tamaşası olub.
Tamaşanın quruluşçu rejissoru və səhnə tətribatçısı xalq artisti, əməkdar incəsənət xadimi, rejissor Ramiz Həsənoğludur.
Səhnə əsərinin geyim üzrə rəssamı Nana-Burxan, musiqi tərtibatçısı Əlibala Qasımovdur. Qrafika işləri Əhməd Məcidov və Nazim Sadıqova məxsusdur.
Tamaşada əməkdar artist Fərhad İsrafilov, aktyorlar Hikmət Rəhimov və Könül Cəfərzadə çıxış edib.
Qeyd edək ki, dahi A.P.Çexovun yaradıcılığından bəhrələnərək yazılmış pyesdə hadisələr müasir dövrə uyğunlaşdırılıb. Müəlliflər sənətkar taleyi məsələsinə müasir baxış bucağından yanaşmağa çalışıblar.
Tamaşada qocaman aktyor Əlisöhbət Qələndərlinin timsalında sənət adamlarının taleyi, yaşantıları və düşüncələri ifadə olunub. Burada ömrünü sənətə həsr etmiş və yaşının ixtiyar çağında bəzi səhvlərini dərk etmiş insanın faciəsi qabardılır.
Müasir dövrün reallığını əks etdirən, bir aktyorun faciəli həyatından bəhs edən tamaşa alqışlarla qarşılanıb.
Xatırladaq ki, bu il YUĞ Teatrının aktyoru, əməkdar artist Fərhad İsrafilovun 60 yaşı tamam olub. Bu münasibətlə, “Sonuncu” tamaşası həm də Fərhad İsrafilovun benefisi kimi hazırlanıb.

Teqlər:  YUĞ Teatrı ilin sonuncu tamaşasını nümayiş etdirib



RƏYLƏR


Top xəbərlər