Sabirabad, 28 dekabr, Mahir Babayev, AZƏRTAC
Sabirabadda iri və xırdabuynuzlu heyvanların satış qiymətində enmə müşahidə olunur.
AZƏRTAC xəbər verir ki, rayonun Şəhriyar kəndi ərazisində yerləşən mal-qara bazarında indi heyvanlar əvvəlkindən daha ucuz qiymətə satılır. Satıcılar Vəli Həsənovun və Eyvaz Dadaşovun dediyinə görə, hazırda bazardan diri alınan iribuynuzlu heyvanın 1 kiloqram ətinin qiyməti 4 manat 50 qəpik, 5 manata düşür. Satıcıların sözlərinə görə, 40 kiloqram çəkisi olan qoç 120 manata təklif olunur.
