Bakı, 28 dekabr, Ramiz Quliyev, AZƏRTAC
Nyu-Yorkun “Architensions” arxitektura studiyası təbiət qoynunda interyeri sadə olan “səyyar” iş otağı layihəsini təqdim edib.
AZƏRTAC “Arxinovosti” saytına istinadla xəbər verir ki, layihə müəlliflərinin fikrincə, otaq şəhərin gündəlik səs-küyündən uzaqlaşmaq üçün ən gözəl məkan olacaq.
Otaq həcmcə kiçik olsa belə, çox işıqlıdır. Burada bir kreslo, qatlama yazı stolu və divarda kiçik bir rəsm əsəri yerləşdirmək mümkündür.
