Gənclər üçün Təhsil Mərkəzi, “Kaspi“ qəzeti və “Mənim Təhsilim, Mənim Gələcəyim!” kampaniyası Lent.az-ın əməkdaşı Vüsalə Məmmədovanı mükafatlandırıb. Lent.az-ın məlumatına görə, V. Məmmədovaya Azərbaycan gənclərinin maarifləndirilməsi istiqamətində göstərdiyi fəaliyyətə görə “Təhsil Açarı” mükafatı ilə təltif ediblər.
“Mənim Təhsilim, Mənim Gələcəyim!” kampaniyasının rəhbəri Rövşən Nəcəfov bildirib ki, V. Məmmədova mükafata Lent.az-da yayımlanan yazılarına, “Əsir düşərgəsi” layihəsinin gənclər tərəfindən maraqla qarşılanmasına və xüsusi olaraq, “Cəhənnəmdə böyük çığırtı” kitabına görə layiq görülüb.
