Aktual mövzular: Dollar alış-satışı , Hava haqqında, Məzənnə, Neftin qiyməti

"Mənə oğul kimidir, nəfəsimdir, havamdır"

"Mənə oğul kimidir, nəfəsimdir, havamdır"

Date: 28 December 2015 18:56

Xalq artisti Fatma Mahmudova gənc həmkarları haqqında danışıb.
 
Axşam.az-ın musavat.com-a istinadən məlumatına görə, xalq artisti bildirib ki, gənclər aktyorluq sənətində uğur qazanmaq üçün çalışmalıdırlar:

“Bu sənətdə hər şeyə dözmək lazımdır. Gələcəyini düşünən aktyor, aktrisa çətinliklərə dözməlidir. Gəncləri çox sevirəm. Birdən-birə heç nə olmur. Bu sənətdə böyük binalar tikmək üçün gecə-gündüz çalışmaq lazımdır. Bu sahədə zirvəyə çatmaq çox çətindir. Cəsarətlə deyə bilərəm ki, Elməddin Cəfərov sənətin zirvəsindədir. Onu həm aktrisa, həm də tamaşaçı kimi bəyənirəm. Hər aktyora gülə bilmirəm. Onun mimikalarına baxanda gülürəm. O, mənə təbii gülüş bəxş edir. Mənim oğlum olmasa da, Elməddin mənim oğlum kimidir. O, mənim nəfəsimdir, havamdır, suyumdur”.

Aktrisa “Son günlər aktyor və aktrisalar maddi durumlarının yaxşı olmamasından gileylənirlər. Sizin maddi durumunuz necədir” sualını da cavablandırıb:

“Maddi problemi gündəmə gətirmək lazım deyil. Allaha şükür olsun, dolanırıq. Niyə naşükürlük edək? İnsan azına da, çoxuna da qane olmalıdır. Mən Allahımdan çox razıyam”.

Tags:  Mənə oğul kimidir nəfəsimdir havamdır

RƏYLƏR


Top news