Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Maşallah Əhmədovdan şikayət edənlərdən biri ərizəsini geri götürdü

Maşallah Əhmədovdan şikayət edənlərdən biri ərizəsini geri götürdü

Date: 28 December 2015 22:32

Barəsində həbs qətimkan tədbiri seçilmiş tanınmış futbolçu Maşallah Əhmədovun səhhəti normaldır. Bu barədə "Report" M.Əhmədovun yaxın qohumlarından biri bildirib.


O, iş üzrə 76 min manat dəyərində zərər çəkmiş şəxsin M.Əhmədova qarşı şikayət ərizəsini geri götürdüyünü deyib: “Zərərçəkənlərdən biri şikayət ərizəsini geri götürüb. Digər malların də yeri dəqiq bilinir və artıq istintaqa təqdim olunub. Hazırda gedib onu götürərək aktlaşdırmaq isə sadəcə növbəti məsələlərdən biridir. Yaxın günlərdə bütün məsələlərə aydınlıq gətiriləcək".


Qeyd edək ki, M.Əhmədov dekabrın 14-də Binəqədi Rayon Polis Şöbəsinin əməkdaşları tərəfindən saxlanılıb. İlkin məlumata görə, bizneslə məşğul olan "Neftçi"nin keçmiş futbolçusu Bakıda bir neçə nəfərə 150 min manatdan artıq dəyərdə xaricdən daş plitə gətirəcəyini vəd edib. Lakin M.Əhmədov sözünə əməl etməyib, həmin şəxslərin pulunu da qaytarmayıb.


Dekabrın 16-da Binəqədi Rayon Məhkəməsində M.Əhmədov barəsində üç ay müddətinə həbs qətimkan tədbiri seçilib.


Qərardan narazı qalan veteran futbolçu apelyasiya şikayəti ilə Bakı Apellyasiya Məhkəməsinə müraciət edib. Lakin apellyasiya şikayəti təmin edilməyib.


Xatırladaq ki, Azərbaycan futbolunun ən güclü hücumçularından olan M.Əhmədov 1959-cu ildə Gəncədə anadan olub. O, 1977-ci ildən "Neftçi" klubunda oynayıb. M.Əhmədov 1995-ci ildə əsas milli komandada məşqçi, U-21-də isə baş məşqçi funksiyasını yerinə yetirib. O, 2008-ci ilin dekabrından etibarən İsgəndər Cavadovun rəhbərlik etdiyi Azərbaycan Regional Futbol Federasiyaları Assosiasiyasının vitse-prezidentidir.


Fanat.az


Tags:  Maşallah Əhmədovdan şikayət edənlərdən biri ərizəsini geri götürdü

RƏYLƏR


Top news