"Kök olduğumu anlayırdım. Hətta həddindən artıq kök idim, tosqundum. Az qala özümdən iyrənirdim. Buna görə də yaşam tərzimi dəyişmək qərarına gəldim. Pəhrizə, idmana başladım".
İngiltərənin Sauthempton qraflığındakı Uolthem şəhərində yaşayan 26 yaşlı Hanna Hindmarşın çəkisi 2008-ci ildə 98,6 kiloqram idi.
Milli.Az Daily Mail-ə istinadən bildirir ki, 26 yaşlı Hanna o il mədə-bağırsağındakı ağrılarla bağlı xəstəxanaya aparılmışdı.
Müalicə başa çatandan sonra, aprel ayında sevgilisi ilə İspaniyaya yollanan Hanna çimərlikdə necə kök olduğunu bir daha anlayıb.
"Sevgilim də məndən ayrıldı. Deyirdi ki, kökəm. 2013-cü ildə klinikaya yollandım, koqnitiv-davranış terapiyası kursu keçdim. Daha sonra idmana başladım", - Hanna söyləyib.
6 ay ərzində hər gün trenajor zalına gedən Hanna arıqlayıb.
Və o vaxtdan bəri sağlam həyat tərzi sürür.
Milli.Az
