Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Çində universitet rektoru korrupsiyaya görə ömürlük həbs edilib

Date: 29 December 2015 11:38


Pekin, 29 dekabr, AZƏRTAC
Çində iki universitetin rektoru işləmiş Cou Venbin rüşvət və korrupsiya əməllərinə görə ömürlük azadlıqdan məhrum edilib. O, məhkəmənin qərarı ilə 2002-2013-cü illərdə Şərqi Çin Geologiya və Nançan universitetlərinin rektoru işlədiyi dövrdə müxtəlif şirkətlərdən və təhsil ocaqlarının kollektivindən ümumilikdə 21 milyon yuan (3,24 milyon ABŞ dolları) məbləğində rüşvət almaqda təqsirli bilinib.
İstintaqın gedişində müəyyən olunub ki, keçmiş rektor rüşvət müqabilində şirkətlərə müxtəlif layihələrin həyata keçirilməsinə şərait yaradıb. Bundan başqa, o, Nançan Universitetinin fondundan 58,75 milyon yuan vəsaitin mənimsənilməsində də təqsirkar bilinib.
Şahin Cəfərov
AZƏRTAC-ın xüsusi müxbiri
Pekin

Tags:  Çində universitet rektoru korrupsiyaya ömürlük həbs edilib


RƏYLƏR


Top news