Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Bank of Baku bank xidmətlərinə çıxış imkanlarını sadələşdirib

Bank of Baku bank xidmətlərinə çıxış imkanlarını sadələşdirib

Azerbaijan, Eurasian Development Bank discuss cooperation opportunities (05 December 2016 21:46)
Fitch affirms International Bank of Azerbaijan at 'BB'/Negative; downgrades VR to 'f' (23 November 2016 18:46)
“Young Banker School” relaunched at UNEC (18 November 2016 16:46)

Date: 29 December 2015 12:53

Bakı. Trend:

Bank of Baku-dan daha bir ilk: Onlayn Xidmətlərimiz indi Elektron Hökumət Portalında.

Bankdan Trend-ə verilən məlumata görə, Bank of Baku, Rabitə və Yüksək Texnologiyalar Nazirliyinin Məlumat Hesablama Mərkəzi ilə qurduğu uğurlu əməkdaşlığın nəticəsi olaraq Azərbaycanın bank sektorunda ilk dəfə elektron arayış xidmətinin tətbiqini həyata keçirmiş və bununla da, müştərilərin daha rahat şəkildə bank xidmətlərindən faydalanmasına imkan yaratmışdır. Məhsuldar əməkdaşlığın davamı olaraq Bank of Baku özəl sektorda daha bir ilkə imza atır, belə ki, müştərilər indi bankın onlayn xidmətlərindən Elektron Hökumət portalında da istifadə etmək imkanı əldə edirlər.

Bununla da, müştərilərin bank xidmətlərindən istifadəsinin daha da sadələşdirilməsi və təkmilləşdirilməsi istiqamətində atılan bu mühüm addımla, bütün dövlət qurumlarının xidmətlərini özündə birləşdirən Elektron Hökumət portalı çərçivəsində ilk özəl xidmət təqdim edən qurum məhz Bank of Baku oldu.

Portal istifadəçiləri və bankın müştəriləri Elektron Hökumətin rəsmi internet ünvanında https://www.e-gov.az/ yenicə istifadəyə verilmiş bank xidmətləri bölümünü seçməklə Bank of Baku-nun təqdim etdiyi debet kartlar siyahısından istəklərinə uyğun məhsulu sifariş edə bilərlər. Kartların sifarişini həm portaldan qeydiyyatdan keçməklə, həm də birbaşa olaraq tələb olunan məlumatı müvafiq pəncərələrə daxil etməklə rəsmiləşdirmək olar. Portaldan qeydiyyatdan keçən şəxslərin sifarişinin həyata keçirilməsi üçün isə sadəcə kartla bağlı tələb olunan məlumatı daxil etmələri kifayətdir.

Müştərilərin bankın bütün onlayn xidmətlərindən istifadəsinin təmin edilməsi məqsədilə yaxın günlərdə bölmənin tamamilə yenilənərək bütün mümkün xidmətləri, həmçinin kredit və Bolkart kredit kart sifarişlərinin, müxtəlif növ ödəniş imkanlarının, internet bankçılıq və digər xidmətlərin əlavə olunması nəzərdə tutulub.

Xidmətdən faydalanmaq istəyən şəxslər bu linkə daxil olmaqla sifarişlərini həyata keçirə bilərlər.

Qeyd edək ki, “Elektron Hökumət” - müasir informasiya texnologiyalarından istifadə etməklə dövlət qurumları tərəfindən Azərbaycan Respublikasının ərazisində yaşayan bütün vətəndaşlara, hüquqi və fiziki şəxslərə, xarici vətəndaşlara və vətəndaşlığı olmayan şəxslərə informasiya və e-xidmətlərin göstərilməsininə şərait yaradan mükəmməl bir portaldır.

Daha ətraflı:
145 məlumat mərkəzi
www.bankofbaku.com
www.facebook.com/bankofbaku

Məqalə müəllifi ilə əlaqə ünvanı: agency@trend.az

Bizi Twitter-dən izləyin: @trend_az


Tags:  Bank of Baku bank xidmətlərinə çıxış imkanlarını sadələşdirib


RƏYLƏR


Top news