Azərbaycanlı müğənni Nura Suri 2015-ci ilindəki fəaliyyətindən danışıb. Lent.az-a açıqlama verən ifaçı bildirib ki, sona çatan il onun üçün uğurlu keçib: “Bu ildən çox razıyam. Bəzi xırda problemləri nəzərə almasaq, ümumilikdə 2015-ci il yaxşı yadımda qalıb. İlin sonuna lap az qalmış üç önəmli mükafata sahib oldum. Azərbaycan Güləş Federasiyasını Fəxri Diplomunu aldım, “İlin şarmlı ifaçısı” adını qazandım və “Number One” mükafatına layiq görüldüm. Mənə qiymət verən hər kəsə çox minnətdaram. Ümidvaram ki, 2016-cı il də bu cür uğurlu keçər”.