Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

İki rus azərbaycanlını ölümcül vəziyyətə saldı

İki rus azərbaycanlını ölümcül vəziyyətə saldı

Date: 29 December 2015 14:36

Rusiyanın Tosno rayonunda azərbaycanlı ölümcül döyülüb.

ANS PRESS-in məlumatına görə, iki Rusiya vətəndaşı bir əcnəbini döyərək, ölüm halına salıb. Məlum olub ki, döyülən şəxs Tosno şəhərində qeydiyyatda olan 39 yaşlı azərbaycanlıdır.

Ötən gecə Tosno rayonu Lenin əyalətinin polis bölməsinə ev 37-nin qarşısında bir şəxsin huşsuz vəziyyətdə olduğu haqda məlumat daxil olub. Hadisə yerinə gələn polis huşsuz vəziyyətdə yerdə uzanan şəxsin döyüldüyünü müəyyən edib.

Bədəninin müxtəlif yerinlərindən xəsarət alan həmyerlimizi dərhal xəstəxanaya aparıblar. Onun vəziyyətinin kafi olduğu deyilir.

Hücumçular artıq hüquq-mühafizə orqanlarının əməkdaşları tərəfindən tutulublar. Onlardan biri 36 yaşlı, digəri isə 26 yaşlı Tosno vətəndaşlarıdırlar. Artıq onlar barəsində cinayət işi açılıb, araşdırmalar aparılır.


Rusiya, Tosno rayonu

Bu azərbaycanlılarla bağlı Rusiyada qeydə alınan ilk qanlı insident deyil. Dekabrın 24-də də Rusiyanın Saratov rayonunda azərbaycanlı sürücünü başından güllələyiblər. Rusiya KİV-də yer alan məlumata görə, sürücünün 47 yaşı olub. Hələlik cinayət törədənin kimliyi və qətlin nə üstündə törədildiyi bəlli deyil. Faktı Lenin rayon prokurorunun müavini Pavel Şetinin də təsdiqləyib. Onun sözlərinə görə, öldürülən şəxs "Vezyot" taksi şirkətində çalışıb. "Onun meyitini qarajdan tapıblar. Bu barədə meyiti tapan şəxs məlumat verib. Meyitin məhkəmə-tibbi ekspertizası hələ keçirilməyib" - deyə Şetinin bildirib.


Saratov, Rusiya

Tags:  İki rus azərbaycanlını ölümcül vəziyyətə saldı

RƏYLƏR


Top news