Aktual mövzular: Dollar alış-satışı , Hava haqqında, Məzənnə, Neftin qiyməti

“ANS-ə qarşı ögeylik nümayiş etdirilir”

“ANS-ə qarşı ögeylik nümayiş etdirilir”

Date: 29 December 2015 15:11

Milli Məclisin bu gün keçirilən növbəti plenar iclasında "Kütləvi informasiya vasitələri haqqında" qanun dəyişiklik qısa müzakirələrdən sonra dəyişiklik qəbul olunub.

Millət vəkili Qüdrət Həsənquliyev isə MTRŞ-lə ANS arasında yaranan problemə toxunub və bundan narahatçılığını ifadə edib:

"Bu qanun layihəsi MTRŞ sədri Nuşirəvan Məhərrəmlinin ANS-i bağlamasına səbəb ola bilər. Hesab edirəm ki, Azərbaycanın ilk müstəqil və özəl telekanalı olan ANS-ə qarşı bir qədər ögeylik nümayiş etdirilir. Düşünürəm ki, bu dəyişikliyin edilməsi tezdir və sui-istifadə hallarına yol açacaq".

Fazil Mustafa da Q.Həsənquliyevin mövqeyini dəstəkliyib. O, dəyişikliyin konstitusiya pozuntusu olduğunu söyləyib.

Vitse-spiker Bahar Muradova isə hər iki millət vəkilinin mövqeyi ilə razılaşmadığını bildirib. Parlament sədri Oqtay Əsədov isə burada heç bir konstitusiya pozuntusunun olmadığını deyib.

Mətbuat Şurasının sədri, deputat Əflatun Amaşov qanuna edilən dəyişikliyə səs verəcəyini deyib. O qeyd edib ki, “Televiziya və radio yayımı haqqında” qanuna əsasən MTRŞ hər hansı televiziyanı bağlaya bilər.



Azərbaycanda bundan sonra “Televiziya və radio yayımı haqqında” qanunla nəzərdə tutulan hallarda teleradio yayımı sahəsində müvafiq dövlət orqanının qərarı ilə də kütləvi informasiya vasitəsinin istehsalı və yayımına xitam verilə bilər. Bununla bağlı “Kütləvi informasiya vasitələri haqqında” qanunda dəyişiklik edilib. Layihəyə əsasən, kütləvi informasiya vasitəsinin istehsalı və yayımına xitam verilən halların sayı yalnız təsisçinin, məhkəmənin və ya “Televiziya və radio yayımı haqqında” qanunda nəzərdə tutulan hallarda teleradio yayımı sahəsində müvafiq dövlət orqanının qərarı ilə müavəqqəti dayandırıla, yaxud ona xitam verilə bilər. Müzakirələrdən sonra layihə səsverməyə çıxarılaraq qəbul edilib.

Tags:  ANS-ə qarşı ögeylik nümayiş etdirilir


RƏYLƏR


Top news